JINSI YA KUZUIA NA KUKABILIANA NA TATIZO LA VIMBE KWENYE KIZAZI (FIBROIDS)

 

JINSI MWANAMKE ANAVYOWEZA KUZUIA AU KUKABILIANA NA VIMBE KWENYE KIZAZI (FIBROIDS).

Fibroids ama vimbe kwenye kizazi ni tatizo la kihomoni ambalo linatokea kwa mwanamke ambae yupo katika umri wake anaoweza kuzaa.

Hii humaanisha ya kwamba fibroids hua zinalishwa na homoni ya oestrogen. Fibroids ni kama magugu ambayo huota shambani katika shamba ambalo halifanyiwi palizi au limeachwa.

Wanawake walio katika hatari ya kupata fibroids ni;-

·       Wanawake wenye umri kuanzia miaka 28, japokua hata chini ya miaka 28 wanaweza kupata.

·       Wanawake wanene.

·       Wanawake weusi (waafrika); hii ni kwa sababu ya ulaji pamoja na mtindo wa maisha.

·       Wanawake wenye shida ya presha pamoja na kisukari.

·       Historia ya familia kua na fibroids. Familia huambukizana epigenetics na endocrine disruptors kutokana na tabia ya ulaji na mtindo wa maisha ya familia husika.

·       Wanawake ambao hawajazaa. Haswa ambao wamefika miaka 30.

·       Wanawake wenye upungudu wa Vitamin D.

·       Wanawake wenye ulaji mbovu mfano matumizi ya sukari, nafaka zilizokobolewa, mafuta ya mbegu pamoja na vyakula vilivyochakatwa.

·       Matumizi ya soya, maziwa yaliyochakatwa

·       Pombe kwa sababu ni oestrogenic.

DALILI ZA MWANAMKE MWENYE FIBROIDS.

·       Kutokwa na damu nyingi sana wakati wa hedhi.

·       Kutokwa na damu katikati ya hedhi na hedhi nyingine (yaani siku ambazo sio za hedhi)

·       Maumivu makali wakati wa hedhi.

·       Kupata kitambi cha chini ambacho ni kigumu kupungua.

·       Kushindwa kubeba ujauzio kwa sababu fibroids zinazuia kutungwa kwa mimba.

·       Mimba kutoka mara kwa mara.

NJIA RAHISI ZA KUPONA VIMBE KWENYE KIZAZI (FIBROIDS)

·       Kuacha matumizi ya sukari pamoja na nafaka zilizokobolewa

·       Kuacha matumizi ya mafuta ya mbegu

·       Kufunga kula mara kwa mara/ kila siku

·       Kuacha matumizi ya ngano

·       Kutembea juani wakati wa asubuhi

·       Kuacha matumizi ya pombe na sigara

·       Kupunguza uzito kama ni mnene

·       Kupumzika na kulala walau saa 8 kwa siku.

·       Kufanya mazoezi walau mara 3 kwa wiki

Kitu kikubwa kinachotishia afya ya uzazi ni vitu vinavyochochea na kusababisha uharibufu au mvurugiko wa homoni za mwanadamu.

Kabla ya mwanamke yoyote yule kukubali kufanyiwa upasuaji kwa ajili ya vimbe kwenye kizazi (fibroids) ni vyema kwanza akabadilisha ulaji wake pamoja na mtindo wa maisha.

Endapo utafanya upasuaji na huku vile visababishi vikuu bado havijaondolewa, maana yake zitaturi tena katika maisha yako.

Reference: www.amerix.co.ke