MADHARA YA UNENE KWA WANAWAKE.

Wanawake hupata madhara makubwa Zaidi kwa sababu ya unene ukilinganisha na wanaume. Ingawa ifahamike ya kwamba, unene una madhara na athari kubwa wa mtu yoyote bila kujali ni wa jinsia gani.

NI KWA NINI MWANAMKE ANA ATHIRIKA ZAIDI?

·         MATATIZO YA UZAZI: wanawake wanene huwa wanakumbwa na changamoto nyingi za uzazi kutokana na kuvurugika kwa homoni pamoja na mzunguko wa hedhi.

·         KUPUNGUA KWA HAMU YA TENDO LA NDOA: mara nyingi huwalaumu wanaume kwamba wana uume mdogo au wanamwaga mapema. Lakini uhalisia ni kwamba wanawake wanene hua hawana hamu ya tendo la ndoa, ni ngumu kuamsha hisia zao za mahaba ukilinganisha na wanawake wenye uzito sahihi.

·         MATATIZO KATIKA KUJIFUNGUA: hua wanapoteza nguvu katika kusukuma mtoto wakati wa kujifungua. Au pia hua na watoto wakubwa (macrosomia) kutokana na athari za insulin kwa mtoto anaekua tumboni.

·         VISIRANI NA HASIRA ZISIZOKUA NA SABABU: wanawake wanene hua na self-esteem ndogo. (hali hafifu ya kujithamini). Hivyo wengi hua na visirani na hasira za hapa na pale bila sababu za msingi.

·         HUZUNI: mwanamke hujivunia uzuri wake na uzazi, mara nyingi anapokua mnene hujiona kama thamani yake ya uzuri imeshuka na huhisi ya kwamba mume wake au mwanaume yoyote hamuangalii kwa matamanio kama ilivyo kwa mwanamke mwembamba au mwenye uzito wa kawaida..

·         MAGONJWA YA AUTOIMMUNE: hua na hatari kubwa ya kupata magonjwa ya auto immune kama vile lupus, shida za homoni (thyroid conditions) n.k

·         SYDNROME X: wanawake wanene wengi huishia kupata shida za kimetaboliki kama vile kisukari, presha, saratani ya matiti n.k

Kama wewe ni mwanamke, na kama una mke ambae ni mnene. Msaidie aweze kua na uzito sahihi. Mtie moyo, kua nguvu yake anapokata tamaa, muaminishe ya kwamba inawezekana kuondokana na unene. Ukiwa kama baba wa familia, wewe ndio kichwa kwa maana ya kiongozi. Anza kuongoza familia yako katika ulaji unaofaa. Usitoe pesa kununua visivyofaa, ukitaka familia ile vyakula vizuri, maana yake hakikisha vinavyokuwepo nyumbani ni vyakula sahihi na sio products.

Na wewe kama mwanamke, ni lazima ukubali ndani ya nafsi yako kuondokana na unene. Kaa mbali na wale mashoga au mashosti ambao watakukatisha tamaa. Sio lazima utangaze kama unataka kupungua, wewe fanya kimya kimya. Watu wataona tu matokeo yako. Na wewe mwenyewe afya yako itaimarika.

Wanawake hua na athari mbaya Zaidi za unene ukilinganisha na wanaume, ingawa madhara yatokanayo na unene yanampata kila mwanadamu.

Na FIT BY WAYNE.