JE, MAJI YA MOTO HUSAIDIA KUPUNGUZA KITAMBI?

Bila shaka umeshawahi kuona watu ambao hunywa maji ya moto na limao kila asubuhi huku wakisema ya kwamba wanafanya hivyo ili kupunguza kitambi.

Cha ajabu ni kwamba watu hawa wanafanya hivi lakini hawafanyi mabadiliko yoyote juu ya vyakula wanavyokula au mtindo wa maisha.

Kwa kifupi ni kwamba, ukiona mtu anasema anakunywa maji ya moto kwa lengo la kupunguza kitambi, ujue ni mvivu wa kubadilisha mtindo wake wa maisha na anapenda njia za mkato. Ila ukweli ni kwamba, katika kupunguza unene na kuondokana na kitambi, hua hamna njia za mkato.

UKWELI KUHUSU MAJI YA MOTO

Maji ya moto hayayeyushi mafuta kama wengi wanavyodhani. Na pia hayana mchango wowote katika kuyeyusha mafuta yanayosababisha unene mwilini mwa mwanadamu.

Tindikali ya Hydrocloric tumboni ndio husaidia katika kumeng`enya chakula, lakini sio maji ya moto.

Mtu anayekunywa maji ya moto na anayekunywa maji ya baridi, wote wanakunywa maji. Na hamna kitu cha ziada kinachowatofautisha.

Mdomo wa mwanadamu utapooza maji ili yawe katika joto linalotakiwa kabla ya kumeza. Ndio maana hakuna mtu anayeweza kumeza maji ya moto sana au yabaridi sana. Ni lazima atayachezesha mdomoni kwa sekunde kadhaa ili kuyafanya yawe na joto linalotakiwa kabla ya kumeza.

Wengine hudhania ya kwamba kwa sababu wanatoka jasho wanapokunywa maji ya moto, basi ndio wanapoteza mafuta ya unene. Ukweli ni kwamba, unatokwa na jasho kwa sababu mwili wako unajipooza. Hii ni kutokana na mfumo wa kibaiolojia ujulikanao kama HOMEOSTASIS.

Maji ya moto hayana kirutubisho chochote wala calorie ya aina yoyote. Hayana amino acids, ni maji tu ya kawaida kama ilivyo maji ya baridi.

Hivyo hamna ukweli wowote kama maji ya moto yanapunguza kitambi. Mafuta ya unene hayayeyuki kwa moto kama wengi wanavyodhani.

Na FIT BY WAYNE

www.amerix.ke.com (Reference)