NJIA RAHISI JINSI YA KUANZA KUPUNGUZA UNENE/KITAMBI

NJIA RAHISI JINSI YA KUANZA KUPUNGUZA UNENE/KITAMBI.

Inakadiriwa ya kwamba, katika kila familia hapa Tanzania, hapakosekani walau mtu mmoja ambae ana uziro uliopitiliza. Yaani Obese.

Wapo watu kadhaa ambao wamekua wakisema ya kwamba wao wana unene wa kurithi. Kwa sababu katika familia au ukoo wao wengi ni wanene. Lakini hili halina ukweli, Ila tu ni kwamba familia nyingi zinarithishana mtindo wa maisha. Na hivyo ndio maana unaweza kuona familia flani au ukoo flani wote ni wanene.

Inapokuja swala la kupunguza unene, hamna njia za mkato kama ambavyo watu wengi hupendelea. Mtu anasahau ya kwamba hakunenepa ndani ya muda mfupi, bali alinenepa kwa muda mrefu. Lakini leo hii mtu atataka kupungua haraka sana ndani ya muda mfupi. ROMA HAIKUJENGWA KWA SIKU MOJA.

Njia bora zaidi ya kupunguza Unene ni kwa kuzingatia ulaji sahihi pamoja na kubadilisha mtindo wa maisha kwa ujumla.

Zipo dawa zinazosaidia kurahisisha safari ya kupunguza unene, lakini ieleweke ya kwamba, dawa hizi husaidia kurahisisha. lakini usipobadilisha mtindo wa kula na wa maisha, utakua huna tofauti na mtu ambaye amefua nguo nyeupe na kisha kuitupa kwenye matope.

JINSI YA KUANZA KUPUNGUZA UNENE/KITAMBI

Anza kwa kupunguza wingi wa chakula cha wanga. (haswa wanga uliokobolewa). Kama ulikua umezoea kupakua chakula cha kiwango flani, anza kupunguza nusu sahani.
Anza kuweka mboga nyingi za majani na matunda. (Hapa wanga uwe kiasi kama cha ngumi ya mkono wako)
Punguza matumizi ya sukari. kama ulikua ukitumia vijiko viwili au zaidi, anza kwa kuweka kijiko kimoja pekee. (kumbuka sukari husababisha unene zaidi kuliko hata mafuta)
Kunywa maji glasi moja walau nusu saa (dakika 30) kabla ya kula chakula. Hii itakusaidia kupata shibe mapema.
Tumia sahani ndogo kupakua chakula chako. kwani Sahani kubwa itaudanganya ubongo wako ya kwamba chakula ni kidogo wakati ni kingi.

Endapo ukizingatia maagizo hayo, taratibu utaanza kuona mwili wako unabadilika wiki hadi wiki. kikubwa ni ujifunze kua na subira kwani ROMA HAIKUJENGWA KWA SIKU MOJA.

Kama utapendelea kupata Programu nzuri ya kuweza kupunguza Unene. Wasiliana nami kwa namba 0753068572 au Whatsapp 0621068072. au Bonyeza HAPA

Imeandikwa na SAMUEL MACHA, FIT BY WAYNE.

Comments

DETOX YA SIKU 7. HATUA YA KWANZA KUPUNGUZA UNENE

HATUA YA KWANZA KUPUNGUZA UNENE. Uzito Unaotakiwa kua nao Kulingana na Urefu Pamoja na Jinsia UREFU (CM) UREFU (FT & INCH) UZITO (KG) MWANAUME MWANAMKE 147 4' 10" - 45-59 150 4' 11" - 45-60 152 5' 0" - 46-62 155 5' 1" 55-66 47-63 157 5' 2" 56-67 49-65 160 5' 3" 57-68 50-67 162 5' 4" 58-70 51-69 165 5' 5" 59-72 53-70 167 5' 6" 60-74 54-72 170 5' 7" 61-75 55-74 172 5' 8" 62-77 ...

FANYA HIVI KAMA UNASUMBULIWA NA CHUNUSI

FANYA HIVI KAMA UNASUMBULIWA NA CHUNUSI. Chunusi ni vimbe zinazosababishwa na kuzibika kwa folikoli za nywele na mafuta ya ngozi (sebum), seli za ngozi zilizokufa, na protini zilizokufa. Kuziba huku kunavuta bakteria wa ngozi ambao husababisha uvimbe na kuongezeka kwa vimbe hizi. Sebum ni dutu yenye mafuta inayozalishwa na tezi za mafuta kwenye ngozi yako. Sebum inalinda ngozi, lakini unapozalishwa kupita kiasi, inaweza kuziba njia za ngozi, kufunga seli za ngozi zilizokufa, na kuvuta bakteria wa ngozi, hivyo kusababisha uvimbe na chunusi. Uzalishaji wa sebum kupita kiasi unatokana na homoni za ngono zinazosambaa sana kwenye damu. Hii ndiyo sababu chunusi ni kawaida kwa vijana na watu wazima vijana. Protini inayojulikana kama Sex Hormone Binding Globulin (SHBG) inapunguza homoni za ngono zisizo na mpangilio. SHBG inashikilia homoni hizi za ngono ili zisilete athari zisizohitajika kwenye seli na viungo kama ngozi. Homoni hizi za ngono ni estrogeni na testos...

BAWASIRI NA JINSI YA KUITIBU KWA NJIA ZA ASILI

BAWASIRI NA JINSI YA KUITIBU KWA NJIA ZA ASILI. 💊💊💊💊💊💊💊💊💊💊💊💊💊 BAWASIRI NI NINI? Bawasiri (kikundu, future, puru au mjiko ) ni hali ya kutuna kwa mishipa ya damu katika mfereji wa sehemu ya haja kubwa (anus). Kuna aina mbili za Bawasiri; 1. Bawasiri za ndani ( internal haemorroids ) 2. Bawasiri za nje ( external haemorroids ) Bawasiri za ndani hua na dalili ya kupata kinyesi kilichokua na damu, bawasiri za nje hua na dalili ya maumivu makali wakati wa kujisaidia pamoja na kinyama kutoka kwa nje. NINI VISABABISHI VYA BAWASIRI? 1️⃣Historia ya familia, mara nyingi baadhi ya familia hukumbwa na changamoto hii. Na hua watu wa familia hiyo husika wanakua na hili tatizo. 2️⃣Kupata choo kigumu mara kwa mara husababisha mtu kutumia nguvu nyingi (straining) ambayo husababisha bawasiri kutokea. 3️⃣Unene (uzito uliopitiliza) hua ni kisababishi cha bawasiri kwa sababu ya kuongezeka kwa Rectal Vein Pressure. 4️⃣Ku...

Fit by Wayne

Search This Blog