VYAKULA VINAVYOTUNZA AFYA YA NGOZI (ANTI-AGING FOODS)

 

VYAKULA VINAVYOHITAJIKA KATIKA AFYA YA NGOZI. (ANT-AGING FOODS)

Bila shaka unafaham ya kwamba kuna watu ambao wamekua na makunyanzi na kuonekana wakubwa (wazee) kuliko umri wao halisi.

Lakini pia kuna ambao ngozi zao hulegea baada ya kupungua na kuonekana kusinyaa pamoja na makunyanzi.

Collagen nip rotini muhimu sana katika kuipa ngoz afya, na ndiyo inayohusika na kufanya ngozi iwe na hali ya kuvutika (elasticity)

Lishe inahusika sana kwa kiasi kikubwa kufanya ngozi yako iwe vizuri na isiwe na makunyanzi au kuonekana yam zee kuliko umri wako.

VYAKULA MUHIMU KWA AFYA YA NGOZI.

·         KITUNGUU SWAUMU: kina kiwango kikubwa cha sulfur inayosaidia kuzalisha kiwango cha collagen. Hivyo jitahidi kutumia kitunguu swaumu kama moja ya viungo vyako muhimu.

·         MAHARAGE: protini itokanayo na maharage husaidia kuongeza kiwango cha collagen, bakuli moja la maharage lina wastani wa gram 15 za protini ambazo zikifanyiwa mmeng'enyo wa chakula, amino acids zinatumika kutengeneza collagen.

·         PILI-PILI HOHO: zina wingi wa Vitamin C ambayo husaidia kuzalishwa kwa collagen, husaidia ngozi ipone haraka inapopata jeraha. Vile vile hupambana inflammation hivyo kufanya ngozi isionekane kuzeeka haraka.

·         NYANYA: zina wingi wa Vitamin C pamoja na Lycopene ambayo hutumia kufanya refreshment ya ngozi na kufanya usionekane mzee au kua na ngozi yenye makunyanzi.

·         KUKU: nyama hii inawingi wa Niocene pamoja na Vitamin B6 pamoja na kiwango kikubwa cha protini. Hizi zote husaidia katika uzalishwaji wa collagen.

·         SAMAKI: sehemu kubwa ya samaki inayozalisha collagen ni kichwa, macho pamoja na mifupa yake. Lakini pia ngozi ya samaki ina kiwango kikubwa cha collagen. Ngozi yake ina kiwango kikubwa cha collagen peptides.

·         MAYAI: sehemu nyeupe ya yai ina kiwango kikubwa cha proline, ambayo ni amino acid inayosaidia uzalishwaji wa collagen.

Hivyo mtu anayeweza kutumia vyakula hivi atapata kiwango kikubwa cha collagen. Na ukiwa na kiwango kikubwa cha collagen, inakufanya uonekane mdogo Zaidi kwa sababu afya ya ngozi yako inakua nzuri sana.

EPUKA VYAKULA HIVI UKITAKA NGOZI NZURI

·         SUKARI: inaongoza kwa kufanya ngozi ionekane ya kizee au kuzeeka mapema kwa sababu inaingilia kazi ya collagen na elastin. Sukari inapovunjwa mwilini, hujishikiza na collagen na kusababisha makunyanzi. Lakini pia kiwango kikubwa cha sukari kwenye damu hufanya mtu kuzeeka haraka na kuongezeka uzito.

·         ENERGY DRINKS: zimejaa sana kiwango kikubwa cha acids, sukari na kemikali nyingine ambazo ni mbaya. Zina kiwango kikubwa cha sodium na caffeine zinazosababisha ngozi kukosa maji (dehydration).

·         VYAKULA VINAVYOKAANGWA NA MAFUTA MENGI: hivi hua na kitu kinaitwa ADVANCED GKYCATION END PRODUCTS ambazo zinakufanya uzeeke haraka.

·         FAST FOODS (chipsi, pizza, burger): zina kiwango kikubwa cha Transfats zinazosababisha mishipa ya dam kuziba na kusababisha mlundikano wa mafuta kwenye mishipa ya damu.

·         POMBE: hushusha ufanisi wa ini ambalo ndio kiungo kikubwa cha kuufanyia mwili wako Detox. (kuondoa taka mwili). Hii husababisha kupata makunyanzi mapema.

·         VYAKULA VYENYE PILI PILI NYINGI: husababisha hali iitwayo ROSACEA kwenye ngozi.

·         WANGA AU NGANO ILIYOKOBOLEWA: unapokula hizi, zisipotumika mwilini hugeuzwa na kua sukari na husababisha kua na kiwango kikubwa cha sukari kwenye damu. Na hii hupelekea kua na makunyanzi.

·         VYAKULA VYENYE CHUMVI NYINGI: husababisha kua na kiwango kikubwa cha sodium na kusababisha kitu kinachoitwa WATER RETENTION (maji kubaki mwilini). Na kusababisha ngozi iwe ya kizee kuliko umri wako. Ndio maana detox diet nyingi hua hazina chumvi, au chumvi kidogo sana.

Lakini juu ya haya yote, jitahidi sana kunywa maji mengi. Yanafaida kubwa sana kwenye afya ya ngozi na mwili kwa ujumla.

Ngozi nzuri pia ina ambatana na mazoezi. Sio lazima ufanye mazoezi makali, unaweza hata ukawa unatembea nusu saa kwa siku. Hii itasaidia sana misuli iweze kua active na kuchangamsha mwonekano wa ngozi yako.

Endelea kula vizuri, kumbuka ROMA HAIKUJENGWA KWA SIKU MOJA. Hivyo usichoke kula vizuri. Kwani ndio unajenga mwili wako uwe na afya bora.

Imeandikwa na SAMUEL MACHA.

FIT BY WAYNE.